निर्वाण / आत्म षट्क

मनो बुध्यहंकार चित्तानि नाहं, न च श्रोत्र जिव्हे न च घ्राण नेत्रे ।
न च व्योम भूमिर्न तेजो न वायुश् चिदानन्द रूपः शिवो/हं शिवो/ हम् ॥

न च प्राण संज्ञो न वै पंच वायुर् न वा सप्त धातुर्न वा पंचकोषः ।
न वाक् पाणि पादो न चोपस्थ पायुश् चिदानन्द रूपः शिवो/हं शिवो/ हम् ॥

न मे लोभ मोहौ न मे द्वेष रागौ मदो नैव मे नैव मात्सर्य भावः ।
न धर्मो न चार्थो न कामो न मोक्षः चिदानन्द रूपः शिवो/हं शिवो/ हम् ॥

न पुण्यं न पापं न सौख्यं न दुक्खं न मंत्रो न तीर्थँ न वेदा न यज्ञाः ।
अहं भोजनं नैव भोज्यं न भोक्ता चिदानन्द रूपः शिवो/हं शिवो/ हम् ॥

न मे मृत्युशंका न मे जातिभेदः पिता नैव मे नैव माता न जन्म ।
न बन्धुर्न मित्रं गुरुर्नैव शिष्यः चिदानन्द रूपः शिवो/हं शिवो/ हम् ॥

अहं निर्विकल्पो निराकाररूपो विभुर्व्याप्य सर्वत्र सर्वेन्द्रियाणाम् ।
सदा मे समत्वं न मुक्तिर्न बन्धश् चिदानन्द रूपः शिवो/हं शिवो/ हम् ॥